ಸರ್ಕಾರಿ ನೌಕರರ ಹೆಸರು ಬದಲಾವಣೆ ಮತ್ತು ವಿವಾಹ ನಂತರ ಮಹಿಳಾ ನೌಕರರ ಹೆಸರು ಬದಲಾವಣೆ ನಮೂನೆಗಳು ಮತ್ತು ಕಾರ್ಯ ವಿಧಾನ.
- ಹೆಸರು ಬದಲಾಯಿಸಲು ಇಚ್ಛಿಸುವ ನೌಕರನು/ಳು ತಮ್ಮ ನೇಮಕಾತಿ ಪ್ರಾಧಿಕಾರಕ್ಕೆ ಅರ್ಜಿಯನ್ನು ಸಲ್ಲಿಸಿ, ತಮ್ಮ ಈಗಿನ ಹೆಸರು, ಬದಲಾಯಿಸಿಕೊಳ್ಳಲು ಉದ್ದೇಶಿಸಿರುವ ಹೆಸರು, ಹೆಸರು ಬದಲಾವಣೆಯ ಉದ್ದೇಶವನ್ನು ಸ್ಪಷ್ಟಪಡಿಸಿ, ಪೂರ್ವಾನುಮತಿಯನ್ನು ಪಡೆದುಕೊಳ್ಳುವುದು.
- ಹೆಸರು ಬದಲಾವಣೆಯ ಅರ್ಜಿಯ ಜತೆಗೆ ಹೆಸರಿನ ಇಂಗ್ಲಿಷ್ ಸ್ಪೆಲ್ಲಿಂಗ್ ನ್ನು ಸ್ಪಷ್ಟವಾಗಿ ನಮೂದಿಸಿ, ಖಾಯಂ ವಿಳಾಸದ ದಾಖಲೆಯೊಂದಿಗೆ ʼಖಜಾನೆಗೆ 15 ರೂಪಾಯಿʼ ಪಾವತಿಸಿದ ಚಲನ್ ಅನ್ನು ಲಗತ್ತಿಸಬೇಕು.
- ಚಲನ್ ಅನ್ನು ಖಜಾನೆ ಶೀರ್ಷಿಕೆ “XLV, Printing and stationary, fees for changing name” ಶೀರ್ಷಿಕೆಯಡಿ ತೆಗೆಯಬೇಕು.
- ನೇಮಕಾತಿ ಪ್ರಾಧಿಕಾರಕ್ಕೆ ಹೆಸರು ಬದಲಾವಣೆಯ ಉದ್ದೇಶ ಒಪ್ಪಿತವಾಗಿ, ಅನುಮತಿ ನೀಡಿದರೆ, ಸದ್ರಿ ನೇಮಕಾತಿ ಪ್ರಾಧಿಕಾರವು ಈ ಬಗ್ಗೆ ಹೆಸರು ಬದಲಾವಣೆ ನಿಯಮಗಳ ನಮೂನೆ-1 ರಲ್ಲಿ ವಿವರಗಳನ್ನು ಡೈರೆಕ್ಟರ್ ಆಫ್ ಪ್ರಿಂಟಿಂಗ್ ಮತ್ತು ಸ್ಟೇಷನರಿ ಮೈಸೂರು ಇವರಿಗೆ ಕಳುಹಿಸುತ್ತಾರೆ.
- ಡೈರೆಕ್ಟರ್ ಆಫ್ ಪ್ರಿಂಟಿಂಗ್ ಮತ್ತು ಸ್ಟೇಷನರಿ ಮೈಸೂರು ಇವರು ಹೆಸರು ಬದಲಾವಣೆಯನ್ನು ಕರ್ನಾಟಕದ ಅಧಿಕೃತ ರಾಜ್ಯಪತ್ರದಲ್ಲಿ ಪ್ರಕಟಿಸಿ ಇದರ ಹತ್ತು ಮೂಲ ಪ್ರತಿಗಳನ್ನು ಮುದ್ರಿಸಿ 5 ಪ್ರತಿಗಳನ್ನು ನೇಮಕಾತಿ ಪ್ರಾಧಿಕಾರಕ್ಕೆ ಹಾಗೂ 5 ಪ್ರತಿಗಳನ್ನು ನೌಕರನಿಗೆ ಕಳುಹಿಸಿಕೊಡುತ್ತಾರೆ.
- ಸದ್ರಿ ರಾಜ್ಯಪತ್ರದ ಜತೆಗೆ ನೌಕರನು ದ್ವಿಪ್ರತಿಯಲ್ಲಿ ನಿಯಮ 11 ರ ಘೋಷಣೆಯನ್ನು ಮತ್ತು ನಿಯಮ 12 ರಲ್ಲಿನ ಘೊಷಣೆಯನ್ನು ನೇಮಕಾತಿ ಪ್ರಾದಿಕಾರಕ್ಕೆ ಸಲ್ಲಿಸಿದ ನಂತರ, ನೌಕರನು ಅಧಿಕೃತವಾಗಿ ಹೊಸ ಹೆಸರನ್ನು ಬಳಸಲು ಅವಕಾಶ ಪಡೆಯುತ್ತಾನೆ/ಳೆ.
(ಅದಾಗ್ಯೂ, ನೇಮಕಾತಿ ಪ್ರಾಧಿಕಾರವು ಸಕಾರಣದಿಂದ ಅನುಮತಿಯನ್ನು ನಿರಾಕರಿಸಿದರೆ, ನೌಕರನು ಇದರ ಬಗ್ಗೆ ಮೇಲ್ಮನವಿ / ಮರು ಅರ್ಜಿ ಸಲ್ಲಿಸಲು ಅವಕಾಶ ಇರುವುದಿಲ್ಲ.)
