ಕರ್ನಾಟಕ ಜನಗಣತಿ 2025 – ಸಮೀಕ್ಷೆ ಕುರಿತು ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

​2025ರ ಜನಗಣತಿ ಸಮೀಕ್ಷೆಗೆ ಸಂಬಂಧಿಸಿದ ಕೆಲವು ಪ್ರಮುಖ ಪ್ರಶ್ನೆಗಳು ಮತ್ತು ಅವುಗಳ ಉತ್ತರಗಳು ಇಲ್ಲಿವೆ.

KSPSTA DK

ಮಾಹಿತಿಯನ್ನು ಕೈಪಿಡಿಯಲ್ಲೂ ಮತ್ತೊಮ್ಮೆ ಪರಿಶೀಲಿಸಿ
​
​1. ಆಂಡ್ರಾಯ್ಡ್ 8.0 ವರ್ಷನ್ ಮೊಬೈಲ್ ಇಲ್ಲದಿದ್ದರೆ ಏನು ಮಾಡಬೇಕು?
​ಆಂಡ್ರಾಯ್ಡ್ 8.0 ವರ್ಷನ್ ಕಡ್ಡಾಯ. ಇಲ್ಲದಿದ್ದರೆ ಸೂಕ್ತ ಕ್ರಮದ ಬಗ್ಗೆ ಸ್ಪಷ್ಟೀಕರಣ ನೀಡಲಾಗಿಲ್ಲ.

​2. ಕರ್ನಾಟಕ ರಾಜ್ಯದಲ್ಲಿ ನೋಂದಣಿಯಾಗಿರುವ, ಹೊರ ರಾಜ್ಯದಿಂದ ಮದುವೆಯಾಗಿ ಬಂದಿರುವ ಹೆಣ್ಣು ಮಕ್ಕಳನ್ನು ಮೊಬೈಲ್ ಆ್ಯಪ್‌ನಲ್ಲಿ ನೋಂದಣಿ ಮಾಡಬಹುದೇ?
​ಆಧಾರ್ ವಿವರಗಳನ್ನು ಮಾತ್ರ ಉಪಯೋಗಿಸಲು ಅವಕಾಶವಿರುತ್ತದೆ.

​3. ಸರ್ವೇ ಮಾಡುವಾಗ ಒಂದು ಮನೆಯ ಸಮೀಕ್ಷೆ ಅಪೂರ್ಣವಾಗಿದ್ದರೆ, ಮುಂದಿನ ಮನೆ ಸಮೀಕ್ಷೆ ಮಾಡಬಹುದೇ?
​ಒಂದು ಕುಟುಂಬದ ಸಮೀಕ್ಷೆ ಪೂರ್ಣಗೊಂಡ ನಂತರವೇ ಮುಂದಿನ ಕುಟುಂಬದ ಸಮೀಕ್ಷೆ ಮಾಡಬೇಕು. ಆದರೆ, ಕೆಲವು ಕುಟುಂಬಗಳ ಮಾಹಿತಿ ಅಪೂರ್ಣವಾದರೆ 3 ಕುಟುಂಬಗಳವರೆಗೆ ಡ್ರಾಫ್ಟ್‌ನಲ್ಲಿ ಇಡಲು ಅವಕಾಶವಿದೆ.

​4. ಮಾಸ್ಟರ್ ಟ್ರೈನರ್‌ಗಳ ಸೇವೆಯನ್ನು ಸಮೀಕ್ಷೆ ಮುಗಿಯುವವರೆಗೂ ಪಡೆಯಬಹುದೇ?
​ಹೌದು, ಪಡೆಯಬಹುದು.

​5. ಮಾಸ್ಟರ್ ಟ್ರೈನರ್, ಗಣತಿದಾರರು ಮತ್ತು ಮೇಲ್ವಿಚಾರಕರ ಸಂಭಾವನೆಯನ್ನು ಯಾವಾಗ ನಿಗದಿಪಡಿಸುತ್ತಾರೆ?
​ಇದನ್ನು ಸರ್ಕಾರದ ಮಟ್ಟದಲ್ಲಿ ತೀರ್ಮಾನಿಸಲಾಗುತ್ತಿದೆ.

​6. ಮನೆಪಟ್ಟಿಯಲ್ಲಿ ಮನೆಯ ಸಂಖ್ಯೆ ಇಲ್ಲದಿದ್ದರೆ ಏನು ಮಾಡಬೇಕು?
​ಆ ಮನೆಯ ಜಿಯೋ ಕೋಆರ್ಡಿನೇಟ್‌ಗಳನ್ನು ತೆಗೆದುಕೊಂಡರೆ, UHID/ಸಮೀಕ್ಷಾ ಸಂಖ್ಯೆ ತಾನಾಗಿಯೇ ಜನರೇಟ್ ಆಗುತ್ತದೆ. ನಂತರ ಸಮೀಕ್ಷೆ ಮಾಡಬಹುದು.

​7. ಆಧಾರ್‌ನಲ್ಲಿ ಹೊಸದಾಗಿ ಸೇರಿದ ಹೆಸರನ್ನು ಹೇಗೆ ಅಪ್‌ಡೇಟ್ ಮಾಡಬೇಕು?
​ಸಮೀಕ್ಷೆಯ ಸಮಯದಲ್ಲಿ ಒದಗಿಸಿದ ಆಧಾರ್ ಕಾರ್ಡ್ ನಮೂದಿಸಬೇಕು.

​8. ಆಧಾರ್ ಕಾರ್ಡ್/ಬಿಪಿಎಲ್/ಜಾತಿ ಪ್ರಮಾಣಪತ್ರ ಲಭ್ಯವಿಲ್ಲದಿದ್ದರೆ ಏನು ಮಾಡಬೇಕು?
​ಬಿಪಿಎಲ್, ಆಧಾರ್ ಕಾರ್ಡ್ ಅಥವಾ ಜಾತಿ ಪ್ರಮಾಣಪತ್ರಗಳಲ್ಲಿ ಯಾವುದಾದರೂ ಒಂದನ್ನು ಒದಗಿಸಲು ತಿಳಿಸುವುದು ಕಡ್ಡಾಯ.

​9. ಅಲೆಮಾರಿ ಜನಾಂಗದಲ್ಲಿ ಆಧಾರ್ ಕಾರ್ಡ್, ರೇಷನ್ ಕಾರ್ಡ್ ಅಥವಾ ಮತದಾರರ ಪಟ್ಟಿ ಯಾವುದೇ ದಾಖಲೆಗಳು ಇಲ್ಲದಿದ್ದರೆ ಏನು ಮಾಡಬೇಕು?
​ಬಿಪಿಎಲ್, ಆಧಾರ್ ಕಾರ್ಡ್ ಅಥವಾ ಜಾತಿ ಪ್ರಮಾಣಪತ್ರಗಳಲ್ಲಿ ಯಾವುದಾದರೂ ಒಂದನ್ನು ಒದಗಿಸಲು ತಿಳಿಸುವುದು ಕಡ್ಡಾಯ.

​10. ಪ್ರತಿ ಗಣತಿದಾರರಿಗೆ ಸಮೀಕ್ಷಾ ಕೈಪಿಡಿ 2025 ಒದಗಿಸುತ್ತೀರಾ?
​ಹೌದು, ಒದಗಿಸಲಾಗುತ್ತಿದೆ.

​11. ಪ್ರತಿ ಮನೆಗೆ ಭೇಟಿ ನೀಡಿ ಎಲ್ಲಾ ಜಾತಿಯ ಕುಟುಂಬಗಳನ್ನು ಸಮೀಕ್ಷೆ ಮಾಡಬೇಕೇ ಅಥವಾ ಕೇವಲ ಹಿಂದುಳಿದ ವರ್ಗಗಳ ಕುಟುಂಬಗಳನ್ನು ಮಾತ್ರವೇ?
​ಹಿಂದುಳಿದ ವರ್ಗಗಳು, ಇತರೆ ಜಾತಿಗಳು, ಪರಿಶಿಷ್ಟ ಜಾತಿಗಳು ಮತ್ತು ಪರಿಶಿಷ್ಟ ಪಂಗಡಗಳು ಸೇರಿದಂತೆ ಎಲ್ಲಾ ಕುಟುಂಬಗಳನ್ನು ಗುರುತಿಸಬೇಕು.

​12. ಕುಟುಂಬದ ಮುಖ್ಯಸ್ಥರು ಮಹಿಳೆ ಅಥವಾ ವಿಧವೆಯಾಗಿದ್ದರೆ ಹೇಗೆ ಮಾಡಬೇಕು?
​ಕುಟುಂಬದ ಮುಖ್ಯಸ್ಥೆ ಎಂದು ಪರಿಗಣಿಸಿ ಸಮೀಕ್ಷೆಯನ್ನು ಮುಂದುವರೆಸುವುದು.

​13. ಸಮೀಕ್ಷೆಗೆ ಹೋದಾಗ ರೇಷನ್ ಕಾರ್ಡ್ ಅಥವಾ ಆಧಾರ್ ಕಾರ್ಡ್ ನೀಡದಿದ್ದರೆ ಏನು ಮಾಡಬೇಕು?
​ಬಿಪಿಎಲ್, ಆಧಾರ್ ಕಾರ್ಡ್ ಅಥವಾ ಜಾತಿ ಪ್ರಮಾಣಪತ್ರಗಳಲ್ಲಿ ಯಾವುದಾದರೂ ಒಂದನ್ನು ಒದಗಿಸುವುದು ಕಡ್ಡಾಯ.

​14. ಅಂತರ್ಜಾತಿ ವಿವಾಹದಲ್ಲಿ ಯಜಮಾನನ ಪತ್ನಿ ಮಕ್ಕಳ ಜಾತಿಯನ್ನು ತನ್ನ ಜಾತಿಯನ್ನೇ ನಮೂದಿಸಬೇಕೆಂದು ಹೇಳಿದರೆ ಏನು ಮಾಡಬೇಕು?
​ಮಕ್ಕಳ ಜಾತಿಯು ತಂದೆಯ ಜಾತಿಯನ್ನು ಆಧರಿಸಿ ನಿರ್ಧರಿತವಾಗುತ್ತದೆ. ಹಾಗಾಗಿ, ಪತ್ನಿಯ ಜಾತಿಯ ಆಧಾರದ ಮೇಲೆ ಮಕ್ಕಳ ಜಾತಿಯನ್ನು ಪರಿಗಣಿಸಲು ಅವಕಾಶವಿರುವುದಿಲ್ಲ.

​15. ದೇವದಾಸಿ ಕುಟುಂಬಗಳ ದೇವದಾಸಿಯರ ಮಕ್ಕಳ ಮಾಹಿತಿದಾರರು ಒದಗಿಸಿದ ಮಾಹಿತಿಯ ಪ್ರಕಾರ, ಶಾಲಾ ದಾಖಲಾತಿಗಳಲ್ಲಿರುವ ಜಾತಿಯನ್ನೇ ನಮೂದಿಸಬೇಕೇ?
​ಹೌದು, ಮಾಹಿತಿದಾರರು ಒದಗಿಸಿದ ಮಾಹಿತಿ ಪ್ರಕಾರ ನಮೂದಿಸಬೇಕು. ಗೌರವದ ಉದ್ದೇಶದಿಂದ ತಂದೆಯ ಹೆಸರನ್ನು ನಮೂದಿಸಿದ ಪ್ರಕರಣಗಳಲ್ಲಿ ಗಣತಿಯ ಸಮಯದಲ್ಲಿ ತಂದೆಯ ಹೆಸರನ್ನು ನಮೂದಿಸಬಹುದು.

​16. “ಕುಟುಂಬದ ಮುಖ್ಯಸ್ಥರು ತಮ್ಮ ಮೊಬೈಲ್ ಸಂಖ್ಯೆ ಕೊಡಲು ನಿರಾಕರಿಸಿದರೆ ಏನು ಮಾಡಬೇಕು?
​ಸಂಖ್ಯೆಯನ್ನು ಒದಗಿಸಲು ಮನವೊಲಿಸಬೇಕು. ಆದರೂ ನಿರಾಕರಿಸಿದರೆ ಕೈಪಿಡಿಯ ಪುಟ 81ರಲ್ಲಿರುವ ಒಪ್ಪಿಗೆ ಪತ್ರದ ಮೇಲೆ ಸಲ್ಲಿಕೆ (Upload Submit) ಮಾಡಬೇಕು.

​17. ಸಮೀಕ್ಷೆಯ ಸಮಯದಲ್ಲಿ ಕುಟುಂಬದ ಮುಖ್ಯಸ್ಥರು ಹಾಗೂ ಸದಸ್ಯರ ಹತ್ತಿರ ಯಾವುದೇ ಮೊಬೈಲ್ ಇಲ್ಲದಿದ್ದರೆ ಏನು ಮಾಡಬೇಕು?
​ಸದರಿ ಕುಟುಂಬದ ಪರಿಚಯಸ್ಥರ ಮೊಬೈಲ್ ಸಂಖ್ಯೆ ಪಡೆದು ನಮೂದಿಸುವುದು.

​18. ಸಮೀಕ್ಷೆಯ ಸಮಯದಲ್ಲಿ ಕೆಲವು ಪ್ರದೇಶಗಳಲ್ಲಿ ನೆಟ್ವರ್ಕ್ ಇಲ್ಲದಿದ್ದರೆ ಏನು ಮಾಡಬೇಕು?
​ಆಫ್‌ಲೈನ್ ಮೋಡ್‌ನಲ್ಲಿ ಸಮೀಕ್ಷೆ ಮಾಡಿ ದಾಖಲಿಸಲು ಆ್ಯಪ್‌ನಲ್ಲಿ ಅವಕಾಶ ಇದೆ. ನೆಟ್ವರ್ಕ್ ಸಂಪರ್ಕ ಬಂದಾಗ ಮಾಹಿತಿ ತಾನಾಗಿಯೇ ಅಪ್‌ಲೋಡ್ ಆಗುತ್ತದೆ.

​19. ತಪ್ಪಾದ ಮಾಹಿತಿಯನ್ನು ನಮೂದಿಸಿ ಸಲ್ಲಿಕೆ ಮಾಡಿದ ನಂತರ ಅದನ್ನು ಎಡಿಟ್ ಮಾಡಲು ಅವಕಾಶ ಇದೆಯೇ?
​ಮಾಹಿತಿಯನ್ನು ಸಲ್ಲಿಕೆ ಮಾಡುವ ಮೊದಲು ತಿದ್ದುಪಡಿ ಮಾಡಬಹುದು. ಒಮ್ಮೆ ಸಲ್ಲಿಕೆ ಮಾಡಿದ ನಂತರ ತಿದ್ದುಪಡಿಗೆ ಅವಕಾಶವಿರುವುದಿಲ್ಲ.
​20. ಜಿಲ್ಲೆಯ ಹೊರಗಿರುವ ವ್ಯಕ್ತಿಗಳ ಸಮೀಕ್ಷೆ ಮಾಡಬಹುದೇ?
​ಹೌದು, ಜಿಲ್ಲೆಯ ಹೊರಗಿರುವ ಕುಟುಂಬಗಳ ಸಮೀಕ್ಷೆಯನ್ನು ಆಯಾ ಜಿಲ್ಲೆಗಳಲ್ಲಿ ಮಾಹಿತಿ ಒದಗಿಸಲು ಅವಕಾಶವಿದೆ.

KSPSTA DK

​21. ಇತ್ತೀಚೆಗೆ ಮದುವೆಯಾದ ಹೆಣ್ಣು ಮಗಳ ತವರು ಮನೆ ಅಥವಾ ಗಂಡನ ಮನೆಯನ್ನು ಪರಿಗಣಿಸುವುದು ಹೇಗೆ?
​ಗಂಡನ ಮನೆಯಲ್ಲಿ ನಡೆಯುವ ಸಮೀಕ್ಷೆಯಲ್ಲಿ ಮಾಹಿತಿ ಒದಗಿಸಬೇಕು.

​22. ಒಂದು ಕುಟುಂಬದ ಸದಸ್ಯರು ಬೇರೆ ಬೇರೆ ಕಡೆ ವಾಸವಾಗಿದ್ದರೂ ಒಂದೇ ಪಡಿತರ ಚೀಟಿ ಹೊಂದಿದ್ದರೆ, ಹೇಗೆ ಸಮೀಕ್ಷೆ ಮಾಡಬೇಕು?
​ಒಂದೇ ಪಡಿತರ ಚೀಟಿಯನ್ನು ಆಧರಿಸಿ ಒಂದೇ ಕಡೆ ಮಾಹಿತಿಯನ್ನು ನಮೂದಿಸಬೇಕು.

​23. ಸಮೀಕ್ಷೆ ಮಾಡುವಾಗ ಮಾಹಿತಿದಾರರ ಜಾತಿಯ ಬಗ್ಗೆ ದಾಖಲೆ ಕೇಳಬೇಕೇ?
​ಜಾತಿಯ ಬಗ್ಗೆ ದಾಖಲೆ ಪತ್ರವನ್ನು ಕಡ್ಡಾಯವಾಗಿ ಪಡೆಯುವ ಅಗತ್ಯವಿಲ್ಲ.

​24. ಮೊಬೈಲ್ ಆ್ಯಪ್ ಕೆಲವು ಮೊಬೈಲ್‌ಗಳಲ್ಲಿ ಡೌನ್‌ಲೋಡ್ ಆಗುತ್ತಿಲ್ಲ, ಏನು ಮಾಡಬೇಕು?
​ಆಯಾ ಜಿಲ್ಲೆಯ ಡಿಪಿಎಂ ಸಿಬ್ಬಂದಿಯನ್ನು ಸಂಪರ್ಕಿಸಬೇಕು.

​25. ಕುಟುಂಬದಲ್ಲಿ ಯಾರಾದರೂ ವಿಕಲಚೇತನರಿದ್ದರೆ, ಅವರನ್ನು ಸೇರ್ಪಡೆಗೊಳಿಸಲು ಅವಕಾಶವಿದೆಯೇ?
​ಹೌದು, ಅವಕಾಶ ಇದೆ.

​26. ಜನ್ಮ ದಿನಾಂಕದ ಬದಲು ಕೇವಲ ವಯಸ್ಸನ್ನು ನಮೂದಿಸಲು ಅವಕಾಶವಿದೆಯೇ?
​ಈ ಸನ್ನಿವೇಶ ಉದ್ಭವಿಸುವುದಿಲ್ಲ.

​27. ಸಮೀಕ್ಷಾ ಅರ್ಜಿಯನ್ನು ಭರ್ತಿ ಮಾಡಿದ ನಂತರ ಅದನ್ನು ಡೌನ್‌ಲೋಡ್ ಮಾಡಿ ಪ್ರಿಂಟ್ ತೆಗೆದುಕೊಳ್ಳಲು ಅವಕಾಶವಿದೆಯೇ?
​ಇಲ್ಲ, ಅವಕಾಶವಿಲ್ಲ.

​28. ಒಂದು ಮನೆಯ ವಿವರಗಳನ್ನು ಸಲ್ಲಿಕೆ ಮಾಡಿದ ನಂತರ, ಅದು ಸಲ್ಲಿಕೆಯಾಗಿರದಿದ್ದರೆ ಮುಂದಿನ ಕುಟುಂಬದ ಸಮೀಕ್ಷೆ ಮಾಡಬಹುದೇ?
​ಒಂದು ಮನೆಯ ವಿವರಗಳು ಪೂರ್ಣವಾಗಿ ಸಲ್ಲಿಕೆ ಆದ ನಂತರವೇ ಮುಂದಿನ ಕುಟುಂಬದ ಸಮೀಕ್ಷೆ ಮಾಡಲು ಅವಕಾಶವಿದೆ.

​29. ಜಿಲ್ಲೆ, ತಾಲ್ಲೂಕು ಮತ್ತು ಗ್ರಾಮಗಳ ಕೋಡ್ ಬೇಕಾಗಿದೆಯೇ?
​ಹೌದು, ಅವು ಆ್ಯಪ್‌ನಲ್ಲಿ ಡ್ರಾಪ್-ಡೌನ್‌ನಲ್ಲಿ ಲಭ್ಯವಿದೆ.

​30. ಕುಟುಂಬದಲ್ಲಿ ವಿವಾಹಿತ ಮಗಳು ಗಂಡನ ಮನೆಗೆ ಹೋಗಿದ್ದರೂ ಆಕೆಯ ಹೆಸರು ಪಡಿತರ ಚೀಟಿಯಲ್ಲಿದ್ದರೆ ವಿವರ ನಮೂದಿಸಬೇಕೇ?
​ಹೌದು, ಪಡಿತರ ಚೀಟಿಯಲ್ಲಿ ಅವರ ಹೆಸರು ಇದ್ದಲ್ಲಿ ವಿವರವನ್ನು ನಮೂದಿಸಬೇಕು.

​31. ಸಮೀಕ್ಷೆಯ ವೇಳೆ ಕೆಲವು ವಿವಾದಿತ ಜಾತಿಗಳು ಪರಿಶಿಷ್ಟ ಜಾತಿ ಎಂದು ಹೇಳಿದರೆ ಅದನ್ನು ಅಂತಿಮ ಎಂದು ಪರಿಗಣಿಸಬಹುದೇ?
​ಪರಿಶಿಷ್ಟ ಜಾತಿ ಪ್ರಮಾಣಪತ್ರವನ್ನು ಹೊಂದಿರದಿದ್ದರೂ, ಪಟ್ಟಿಯಲ್ಲಿರುವ ಜಾತಿಯನ್ನು ತಿಳಿಸಿದಲ್ಲಿ ಮಾತ್ರ ಅದನ್ನು ನಮೂದಿಸಬೇಕು.

KSPSTA DK

​32. ಕುಟುಂಬದಲ್ಲಿ 18 ವರ್ಷ ಮೇಲ್ಪಟ್ಟವರು ಯಾರೂ ಇಲ್ಲದಿದ್ದರೆ ಯಾರಿಂದ ಮಾಹಿತಿ ಪಡೆಯಬೇಕು?
​ಹಿರಿಯ ಸದಸ್ಯರಿಂದ ಮಾಹಿತಿಯನ್ನು ಪಡೆಯಬಹುದು. ಆದರೆ, ಬಿಪಿಎಲ್/ಆಧಾರ್ ಕಾರ್ಡ್/ಜಾತಿ ಪ್ರಮಾಣಪತ್ರಗಳಲ್ಲಿ ಯಾವುದಾದರೂ ಒಂದನ್ನು ಒದಗಿಸುವುದು ಕಡ್ಡಾಯ.

​33. ಮೊಬೈಲ್ ಆ್ಯಪ್‌ನಲ್ಲಿ ವಿಲೇಜ್ ಕೋಡ್ ಮತ್ತು ವಾರ್ಡ್ ನಂಬರ್ ಅನ್ನು ನಮೂದಿಸಬೇಕೇ?
​ಹೌದು, ಇವು ಡ್ರಾಪ್-ಡೌನ್‌ನಲ್ಲಿ ಲಭ್ಯವಿದೆ.

​34. ಕುಟುಂಬದಲ್ಲಿ ತಂದೆ ನಿಧನರಾಗಿ ತಾಯಿ ಮತ್ತು ಮಗ ಮಾತ್ರ ಇದ್ದರೆ, ತಾಯಿಯನ್ನು ಕುಟುಂಬದ ಮುಖ್ಯಸ್ಥರಾಗಿ ಪರಿಗಣಿಸಬಹುದೇ?
​ಹೌದು, ಪರಿಗಣಿಸಬಹುದು.

​35. ಪಡಿತರ ಚೀಟಿ ಇಲ್ಲದೆ ಆಧಾರ್ ಸಂಖ್ಯೆ ನಮೂದಿಸಿದರೂ ವಿವರಗಳು ಕಾಣಿಸದಿದ್ದರೆ ಏನು ಮಾಡಬೇಕು?
​ಪ್ರತಿ ಸದಸ್ಯರ ಆಧಾರ್ ಸಂಖ್ಯೆ ನಮೂದಿಸಿದ ನಂತರ ಅವರ ಹೆಸರುಗಳನ್ನು ನಮೂದಿಸುವುದು.

​36. ಮೇಲ್ವಿಚಾರಕರು ಗಣತಿದಾರರ 100% ಸರ್ವೆಯನ್ನು ಕ್ರಾಸ್ ಚೆಕ್ ಮಾಡಲು ಅವಕಾಶವಿದೆಯೇ?
​ಇಲ್ಲ, ಮೇಲ್ವಿಚಾರಕರು 10% ಮನೆಗಳನ್ನು ಕ್ರಾಸ್ ಚೆಕ್ ಮಾಡಬಹುದು.

​37. ಮೇಲ್ವಿಚಾರಕರು, ಸಮೀಕ್ಷೆದಾರರು, ತಾಲ್ಲೂಕು ಮತ್ತು ಜಿಲ್ಲಾ ಮಟ್ಟದ ಮಾಸ್ಟರ್ ಟ್ರೈನರ್‌ಗಳಿಗೆ ಗೌರವಧನ ಪಾವತಿಸುವ ಬಗ್ಗೆ ಮಾಹಿತಿ ನೀಡಿ.
​ಇದನ್ನು ಸರ್ಕಾರದ ಮಟ್ಟದಲ್ಲಿ ತೀರ್ಮಾನಿಸಲಾಗುತ್ತಿದೆ.

​38. ಒಂದು ಮನೆಯಲ್ಲಿ ಒಂದಕ್ಕಿಂತ ಹೆಚ್ಚು ರೇಷನ್ ಕಾರ್ಡ್ ಇದ್ದರೆ ಹೇಗೆ ಸಮೀಕ್ಷೆ ಮಾಡಬೇಕು?
​ಪಡಿತರ ಚೀಟಿವಾರು, ಪ್ರತ್ಯೇಕ ಕುಟುಂಬಗಳೆಂದು ಪರಿಗಣಿಸಿ ಸಮೀಕ್ಷೆ ನಡೆಸಬೇಕು.

​39.ಆಫ್‌ಲೈನ್‌ನಲ್ಲಿ ಎಲ್ಲಾ ಪ್ರಶ್ನಾವಳಿಗಳು ತೆರೆಯುವ ವ್ಯವಸ್ಥೆ ಕಲ್ಪಿಸಲಾಗಿದೆಯೇ?
​ಹೌದು, ಕಲ್ಪಿಸಲಾಗಿದೆ.

​40. ಒಂದಕ್ಕಿಂತ ಹೆಚ್ಚು ಕಾರಣಕ್ಕಾಗಿ ಸಾಲ ಪಡೆದಿದ್ದರೆ ಹೇಗೆ ನಮೂದಿಸಬೇಕು?
​ಬಹು ಆಯ್ಕೆಗೆ ಆ್ಯಪ್‌ನಲ್ಲಿ ಅವಕಾಶ ಕಲ್ಪಿಸಲಾಗಿದೆ.

​41. ಕೆಲಸದ ನಿಮಿತ್ತ ಮನೆಯಲ್ಲಿ ಇಲ್ಲದ ಸದಸ್ಯರ ಮಾಹಿತಿ ಪಡೆಯಬಹುದೇ?
​ಹೌದು, ಕುಟುಂಬದ ಸದಸ್ಯರೇ ಮಾಹಿತಿ ಒದಗಿಸಬಹುದು.

​42. ಆ್ಯಪ್‌ನಲ್ಲಿ ವಿವರಗಳನ್ನು ಭರ್ತಿ ಮಾಡುವಾಗ ಹೊಸ ಸದಸ್ಯರನ್ನು ಸೇರಿಸಲು ಅವಕಾಶವಿದೆಯೇ?
​ನೈಜತೆಯನ್ನು ಪರಿಶೀಲಿಸಿ ಸೇರಿಸಬಹುದು.

​43. ಮನೆಯ ಯಜಮಾನರು ಸಹಿ ಮಾಡಲು ಒಪ್ಪದಿದ್ದರೆ ಏನು ಮಾಡಬೇಕು?
​ಸಂಬಂಧಪಟ್ಟ ಸಂಪೂರ್ಣ ಮಾಹಿತಿಯನ್ನು ಒಪ್ಪಿರುವುದಿಲ್ಲವೆಂದು ಸಮೀಕ್ಷೆದಾರರು ದೃಢೀಕರಿಸಿ ಅಪ್‌ಲೋಡ್ ಮಾಡುವುದು.

​44. ಹೊರ ರಾಜ್ಯದವರು ಇಲ್ಲಿ ನೆಲೆಸಿ ಇಲ್ಲಿನ ಪಡಿತರ ಚೀಟಿ/ಆಧಾರ್ ಸಂಖ್ಯೆ ಹೊಂದಿದ್ದರೆ ಅವರನ್ನು ಸಮೀಕ್ಷೆಗೆ ಒಳಪಡಿಸಬಹುದೇ?
​ಕರ್ನಾಟಕ ರಾಜ್ಯದಲ್ಲಿ ನೋಂದಣಿಯಾಗಿರುವ ಆಧಾರ್ ವಿವರಗಳನ್ನು ಮಾತ್ರ ಉಪಯೋಗಿಸಲು ಅವಕಾಶವಿರುತ್ತದೆ.

​45. ಮಾಹಿತಿದಾರರ ಫೋಟೊ ತೆಗೆಯಲು ಅನುಮತಿ ನಿರಾಕರಿಸಿದರೆ ಏನು ಮಾಡಬೇಕು?
​ಫೋಟೊ ತೆಗೆಯಲು ಒಪ್ಪಿಸುವುದು. ಒಂದು ವೇಳೆ ನಿರಾಕರಿಸಿದ್ದಲ್ಲಿ ಕಡ್ಡಾಯಗೊಳಿಸಲಾದ ಬಿಪಿಎಲ್/ಆಧಾರ್ ಕಾರ್ಡ್/ಜಾತಿ ಪ್ರಮಾಣಪತ್ರ ದಾಖಲೆಗಳನ್ನು ಪಡೆದು ಸಮೀಕ್ಷೆಯನ್ನು ಮುಂದುವರೆಸುವುದು.

KSPSTA DK

​46. ಒಂದು ಬಾರಿ ಮಾಹಿತಿಯನ್ನು ಅಪ್‌ಲೋಡ್ ಮಾಡಿದ ನಂತರ ಕುಟುಂಬದ ಸದಸ್ಯರು ತಪ್ಪುಗಳನ್ನು ಸರಿಪಡಿಸಲು ಒತ್ತಾಯಿಸಿದರೆ ಏನು ಮಾಡಬೇಕು?
​ಒಂದು ಬಾರಿ ಮಾಹಿತಿ ಅಪ್‌ಡೇಟ್ ಮಾಡಿದ ನಂತರ ಅದನ್ನು ಸರಿಪಡಿಸಲು ಅಥವಾ ಎಡಿಟ್ ಮಾಡಲು ಅವಕಾಶ ಇಲ್ಲ.

​47. ಸರ್ಕಾರಿ ಗೃಹಲಕ್ಷ್ಮೀ ಯೋಜನೆಯಡಿ ಗೃಹಿಣಿಯರಿಗೆ ನೀಡುವ ಮಾಸಿಕ 2,000 ರೂ. ಅಥವಾ ವಾರ್ಷಿಕ 24,000 ರೂ. ಆದಾಯವನ್ನು ಕುಟುಂಬದ ವಾರ್ಷಿಕ ಆದಾಯಕ್ಕೆ ಸೇರಿಸಬೇಕೇ?
​ಇಲ್ಲ, ಅಗತ್ಯ ಇಲ್ಲ.

​48. ಸರ್ಕಾರದಿಂದ ಪಡೆದ ಸವಲತ್ತುಗಳಲ್ಲಿ (ಉದಾ: ವೃದ್ಧಾಪ್ಯ ವೇತನ, ಅಂಗವಿಕಲ ವೇತನ, ಗೃಹಲಕ್ಷ್ಮಿ ಯೋಜನೆ) ಬಹು ಆಯ್ಕೆ ಇರುವುದಿಲ್ಲ. ಇದಕ್ಕೆ ವಿವರಣೆ ತಿಳಿಸಿ.
​ಬಹು ಆಯ್ಕೆಗೆ ಆ್ಯಪ್‌ನಲ್ಲಿ ಅವಕಾಶ ಕಲ್ಪಿಸಲಾಗಿದೆ.

​49. ಇತರೆ (Specify) ಇರುವಂತಹ ಕಾಲಂಗಳಿಗೆ ವಿವರವನ್ನು ಭರ್ತಿ ಮಾಡುವಾಗ ಕನ್ನಡ ಅಕ್ಷರಗಳನ್ನು ಉಪಯೋಗಿಸಬಹುದೇ ಅಥವಾ ಆಂಗ್ಲಭಾಷೆಯಲ್ಲಿ ಕಡ್ಡಾಯವಾಗಿ ನಮೂದಿಸಬೇಕೇ?
​ಕನ್ನಡ ಮತ್ತು ಆಂಗ್ಲಭಾಷೆಯಲ್ಲಿ ವಿವರಗಳನ್ನು ನಮೂದಿಸಲು ಅವಕಾಶ ಇದೆ.

​ಸಹಾಯವಾಣಿ:
ಯಾವುದೇ ಸಮಸ್ಯೆಗಳಿಗೆ ಅಥವಾ ಹೆಚ್ಚಿನ ಸ್ಪಷ್ಟೀಕರಣಕ್ಕಾಗಿ ಈ ಸಹಾಯವಾಣಿಯನ್ನು ಸಂಪರ್ಕಿಸಬಹುದು:
​ರಾಜ್ಯಮಟ್ಟದ ಸಹಾಯವಾಣಿ (ಕರ್ನಾಟಕ ರಾಜ್ಯ ಹಿಂದುಳಿದ ವರ್ಗಗಳ ಆಯೋಗ): 8050770004
​ತಾಂತ್ರಿಕ (ಮೊಬೈಲ್ ಆ್ಯಪ್) ವಿಷಯಗಳಿಗಾಗಿಯೂ ಇದೇ ಸಹಾಯವಾಣಿಯನ್ನು ಸಂಪರ್ಕಿಸಬಹುದು.

ಮಾಹಿತಿಯನ್ನು ಮತ್ತೊಮ್ಮೆ ಕೈಪಿಡಿಯಲ್ಲಿ ಪರಿಶೀಲಿಸಿ

ಟೀಮ್ KSPSTA DK